VELKOMMEN TIL STRANDA FOTBALL

Velkomen som lagleiar i klubben!

Hugseliste for MINITURNERING på heimebane:

• Finne datoar for turneringane på kretsen sine sider.
•  Sende ut invitasjonar og informasjon i god tid til bortelag.
• Organisere kampoppsett, dommaroppsett, kampvert og kioskvakter.
• Informere laget og foreldra om borteturneringar.
• Ta i mot bortelag og dommarar før turneringsstart.
• Kommunsiere med speaker og gi nødvendig informasjon

Hugseliste for HEIMEKAMPAR:

• Ta kontakt med bortelag i god tid.
• Ordne med dommar til kampen, organisere betaling av dommar.
• Organisere kampvert og kioskvakter.
• Ta i mot bortelag og dommar før kampstart.
• Kommunsiere med speaker og gi nødvendig informasjon. 

Hugseliste for BORTEKAMPAR: 

• Ha kontakt med, og formidle informasjon frå bortelag.
• Organisere køyrelister til foreldre (gjeld seriespel)

FOR LAGLEIIARAR FOR LAG 6-8 ÅR:

Bindeledd mellom lag og foreldre:

• Organisere lister over spelarar og føresette med namn, fødselsdato,
• adresser og telefonnummer.
• Informere om turneringar og kampoppsett.
• Informere om treningstider.
• Organisere dugnadslister.

Bindeledd mellom eige lag og andreklubbar:

• Halde kontakt med arrangørar av borteturneringar.
• Vidareformidle informasjon frå arrangørlag til eige lag.
• Invitere aktuelle motstandarlag til heimeturnering.
• Organisere kampoppsett og dommaroppsett til heimeturnering.
• Informere gjestelag om heimeturneringar.
• Organisere kioskvakter, kampvertar og ryddegruppe på heimeturnering

Bindeledd mellom klubben og laget:

• Dele ut og halde oversikt over draktene til laget.
• Ta vare på medisinskrinet for laget
• Delta på trenar/lagleiarforum.
• Vere kommunikasjonsledd mellom klubb og lag.

FOR LAGLEIIARAR FOR LAG 9-12 ÅR:

Bindeledd mellom lag og foreldre:

• Organisere lister over spelarar og føresette med namn, fødselsdato,
• adresser og telefonnummer.
• Informere om turneringar og kampoppsett.
• Informere om treningstider.
• Organisere dugnadslister.

Bindeledd mellom eige lag og andre klubbar:

• Halde kontakt med arrangangørar av borteturneringar.
• Vidareformidle informasjon frå arrangørlag til eige lag.
• Invitere aktuelle motstandarlag til heimeturnering.
• Organisere kampoppsett og dommaroppsett til heimeturnering.
• Informere gjestelag om heimeturneringar.
• Organisere kioskvakter, kampvertar og ryddegruppe på heimeturnering

Bindeledd mellom klubben og laget:

• Dele ut og halde oversikt over draktene til laget.
• Ta vare på medisinskrinet for laget
• Delta på trenar/lagleiarforum.
• Vere kommunikasjonsledd mellom klubb og lag.

Heimekampar med innmarsj og presentasjon:

Stranda IL Fotball har fått til gode rammer rundt kamparrangementa sine, og mange bortelag utrykker at det er spesielt kjekt å spele kampar på Stranda. Dette er vi stolt av! 

Alle laga i Stranda IL Fotball skal ha minst 2 heimekampar i sesongen der ein startar med innmarsj til Champions League-hymna. Vidare stiller laga og dommaren opp på midten og speaker ønskjer alle velkomne. Spelarane vert presenterte og klappa for.

For laga med spelarar på 14 år og oppover vert målskårarar og stilling fortløpande kommentert av speaker under kampen.

Alle turneringane på Stranda Stadion har innmarsj, presentasjon og speakerteneste

Korleis legge til rette for godekamparrangement:

Stranda IL Fotball har lagt prestisje i å arrangere gode rammer rundt kampane sine. Trenarar og lagleiarar har ofte nok å ordne med i høve kamporganisering, og det er difor viktig å ha ein vert som kan ta i mot gjestar og dommar på ein hyggeleg måte. Kampverten sitt ansvar er å bidra til ei god ramme rundt kampen prega av Fair Play. Kampverten har på seg gul kampvert-vest, og har med foreldrevettkort.

Før kampen:

• Møt opp i god tid for å sjekke at bane, mål og utstyr er på plass.
• Ta godt i mot dommar og gjestar.
• Bistå trenarane og dommaren å halde Fair Play-møte før kampen
• Oppfordre om at foreldre og andre tilskodarar står på motsatt side av laga, og godt utanfor linja.
• Dele ut foreldrevettreglar.
• Bistå laga med å organisere FairPlay-helsing før kampen.

Under kampen:

• Støtte dommaren, og passe på at reaksjonar mot dommaravgjerdsler er innanfor rimelege grenser.
• Oppfordre til gode og posititve tilrop frå foreldre og andre tilskodarar, og ta kontakt dersom nødvendig.
•  Sjå til at tilskodarar held seg 2 meter frå sidelinja.
• Oppfordre til positivitet frå trenarar/ lagleiarar til spelarar og dommar.

Etter kampen:

• Bistå med å organisere Fair Play-helsing etter kampen.
• Takke begge lag og dommar for kampen.
• Rydde rundt bana etter kampslutt.
• Melde frå om eventuelle brot på Fair Play til den som er Fair Playansvarleg i klubben.

Med grundig dokumentasjon vil ein stå sterkare dersom det oppstår seinverknadar av skaden eller eventuelle komplikasjonar under behandling. Er det noko ein lurer på ved skade kan ein ringe Idrettens skadetelefon. Her kan ein få bistand og rådgiving rundt forsikrings- og skadespørsmål. Har ein rapportert inn skaden via skjema, blir ein ringt opp av konsulentar. 

Skadeforebygging 

Forsikring 

I Noreg er alle barn (0-19 år) som driv aktivitet med idrett i regi av eit registrert idrettslag forsikra gjennom NIF.  Fotballspelarar må frå det året dei fyller 13 år registrerast i FIKS. Dette er det klubben sin FIKS-ansvarlege som ordnar. Alle spelarar må betale medlemskontingenten i Stranda Idrottslag. Dette er nødvendig for at forsikringa skal gjelde.

Idrettens skadetelefon

Formålet til Skadetelefonen er å ivareta idrettsutøvere på alle nivåer gjennom behandlingsløpet.

Ring tlf: 98702033

Åpen alle dagar mellom kl. 09.00 og 21.00

• Helsepersonell med spesialkompetanse på fotballmedisin.
• Rådgivning og behandling.
• Bestilling av utredning og behandling.
• Tilgjengeligheit og oppfølging.
• Tilgjengelig for alle registrerte spelarar.

LINK – FORSIKRING

Her kan du finne og lese alt om forsikring i Norges Fotballforbund.

Du finner ulike linkar du kan klike deg inn på etter behov.

Sjekk denne linken:

Forsikring - Norges Fotballforbund

Rutiner for politiattest i Stranda IL

• Leiar i kvar undergruppe har det overordna ansvaret for at lagleiarar, trenarar og andre tillitsvalde har politiattest. Undergruppene kan ha eigne ressursar til dette arbeidet, sjekk med di gruppe.
• Før ein søkjer om politiattest må ein fylle ut skjemaet «Stadfesting av føremål», skjema finn du ved å trykke her.
• Er du under 18 år må du fylle ut og legge ved eit ekstra skjema med signatur av føresette/verge. Skjema kan lastast på politiet sine sider ved å trykke her
• Fyll ut gjenståande punkt i skjema ved å skrive ut, eller digitalt. Lagre, eller ta bildet av skjema, for å kunne laste det opp seinare i søknadsprosessen.
• Søknad om politiattest finn du på www.politiet.no/tjenester/politiattest/politiattest-sok-pa-nett/
• Du søkjer elektronisk ved å logge inn med BankID.
• I feltet for kategori og føremål velje du «Friviljuge organisasjonar».
• Skjema «Stadfesting av føremål» som du fylte ut i stad må lastast opp frå telefon, eller PC, som vedlegg til søknad.
• Send søknad med vedlegg ved å trykke «send inn».
• Når politiattesten er motteken skal du vise denne til attestansvarleg ved Stranda IL, Joakim Nykrem. Tlf /e-post 40610910 / joakimnykrem@gmail.com

Politiattestar vert ikkje lagra av Stranda IL. Kopiar, fysisk og/eller digitalt, vert sletta/makulert omgåande.

Rettleiing til utfylling av skjema «Stadfesting av føremål»

• Punkt 1. Fullt namn
• Punkt 2. Fødselsnummer
• Punkt 3. Skriv inn di rolle i klubben, til dømes trenar, lagleiar osv.
• Punkt 5. Skriv inn månad og år
• Punkt 6. Velg fast stilling/oppdrag/verv
• Punkt 12. Fyll ut stad og dagens dato 

Stranda IL Fotball sine reglar for trygg transport til arrangement:

• All transport til og frå arrangement skal planleggast med god tidsmargin.
• Fartsgrensene SKAL alltid haldast.
• Sjåføren har ansvar for at alle brukar bilbelte heile tida.
• Ein skal kun nytte køyrety som er i forskriftsmessig og forsvarleg stand.
• Bagasje skal leggast i bagasjerom, og alle lause gjenstandar må vere sikra.
• Ein skal nytte erfarne sjåførar. Lærekøyring skal ikkje førekome.
• Talet på passasjerar må ikkje overstige talet køyretyet er godkjend for. 
• Sikring av barn (tryggtrafikk.no)
• Barn under 135 cm skal bruke godkjent barnesikringsutstyr
• Barn mellom 135- 150 cm og under 36kg skal bruke godkjent barnesikringsutstyr dersom slikt utstyr finns i bilen.

TRYGGE RAMMER - RUSFRITT MILJØ

Klubben sin visjon viser eit tydeleg mål om at all aktivitet skal organiserast i eit trygt og godt miljø.

Bruk av rusmiddel fører til risiko for fysiske og psykiske helseskadar, det har negativ effekt på prestasjonsutvikling, og det skaper ofte usikkerheit/utryggheit i det sosiale miljøet.

Stranda IL fotball er ein breiddeklubb som aktiviserer mellom 50-70% av barn og ungdom i kommunen. Klubben er difor ein viktig samfunnsaktør med ansvar for å bidra til eit sunt og trygt oppvekstmiljø.

Trenarar, leiarar og foreldre har ansvar for at dei aktive er rusfrie på treningar, samlingar, turneringar og sosiale arrangement. Alle andre aktive på arrangementa (trenarar, leiarar, foreldre, dommarar) skal og vere rusfrie.

Lov for Stranda idrottslag

• Stifta den 15. august 1914
• Vedteke av årsmøte den 11/11/1986 seinare endringar, seinast av 20/11/1995
• Godteke av Idrettsstyret den 28/11/1995

 § 1. FORMÅL

Laget er sjølveigande og frittståande med formål å drive idrett organisert i Norges Idrettsforbund. Laget kan berre ha personlege medlemmer.

§ 2. ORGANISATORISK TILKNYTING

Laget er medlem av Norges Idrettsforbund gjennom Møre og Romsdal Idrettskrets. Laget er tilslutta dei særforbund som årsmøtet i laget har vedteke. Laget har sete i Stranda kommune, og er medlem av Idrettsrådet i kommunen.

§ 3 .MEDLEMMER

Alle som lovar å rette seg etter laget og overordna idrettsorgan sine lover og reglar, kan takast opp som medlemmer.

Allé medlemmer pliktar å rette seg etter lover og reglar i Norges Idrettsforbund, organisasjonsledda i forbundet og laget.

Ved innmelding gjev søkjaren opp alder og adresse, og om han/ho har vore eller er medlem av lag tilslutta Norges Idrettsforbund.

Opptak av nytt medlem skal straks førast inn i medlemsregisteret.

Ein søkjar kan ikkje takast opp utan at han/ho har gjort opp økonomiske skyldnader til andre organisasjonsledd og medlemmer i NIF.

Medlemsskapet i  laget er først gyldig og vert rekna frå den dag første kontingenten er betalt.

§ 4. RØYSTERETT, VAL

For å ha røysterett på laget sine møter må eit medlem ha fylt 15 år, ha vore medlem i minst i månad og ikkje skulde laget kontingent.

Alle medlemmer som har stemmerett og som ikkje er arbeidstakarar i laget, kan veljast til tillitsverv i laget, og som representant til ting eller møte i overordna idrettsorganisasjon.

§ 5. KONTINGENT

Kontingenten vert fastsett av årsmøtet for kvart år og skal betalast på forskot. Eit medlem kan avtale med laget at kontingenten skal betalast heilt eller delvis ved dugnad.

Medlemmer under 16 år betaler ein lågare kontingent. Årsmøtet kan også gjere vedtak om felles kontingent for familiemedlemmer.

Medlemmer som skuldar kontingent for meir enn i år, har ikkje røysterett eller andre rettar, og kan av styret strykast som medlem. Vert ein medlem stroken, kan han eller ho ikkje takast opp att som medlem før skuldig kontingent er betalt. Styret har høve til å sette ned eller stryke kontingent ved sjukdom, arbeidsløyse, militærteneste eller av andre grunnar.

§ 6 GODTGJERSLE TIL TILLITSVALDE

Tillitsvalde kan motta eit rimeleg honorar for sitt arbeid, og refusjon for faktiske utgifter, herunder tapt arbeidsforteneste. Utgifter til godtgjersle og refusjon for faktiske utgifter skal framgå av laget sitt budsjett og rekneskap.

§ 7 INHABILITET

For tillitsvalde , oppnemnde tillitspersonar og tilsette innanfor laget, gjeld NIF sine inhabilitetsreglar, jf 5 2-7 i lov for NIF.

§ 8 STRAFFESAKER

For alle straffesaker gjeld straffereglane i lov for NIF kap. 11.

§ 9 ÅRSMØTE

Høgste styresmakt i laget er årsmøtet som vert halde kvart år i januar månad. Årsmøteperioden er frå 1. 1. — 31. 12. Som ei overgangsordning fram til 1997, skal neste årsmøteperiode vere 1.11.95 - 31.12.96. Årsmøtet skal kallast inn av styret med minst i månads varsel, ved kunngjering i presse eller direkte til medlemmene.

Forslag som skal handsamast på årsmøte, må vere innsende til styret seinast 2 veker før årsmøtet. Fullstendig saksliste må vere tilgjengeleg for medlemmene seinast ei veke før årsmøtet.

Alle medlemmene av laget har rett til å møte. Årsmøtet kan elles invitere andre personar og/eller media til å vere til stades.

Årsmøtet er vedtaksført med talet på medlemmer med stemmerett som møter.

Ingen har meir enn ei stemme, og avstemming kan ikkje skje ved fullmakt. Alle vedtak må vere i samsvar med lover og reglar til overordna idrettsorganisasjonar.

På årsmøtet kan ikkje handsamast forslag om lovendringar som ikkje er oppført på saklista seinast .1. veke for årsmøtet. Andre saker kan handsamast og avgjerast når 2/3 av dei frammøtte krev det. Slik avgjerd kan berre takast i samband med vedtak om godkjenning av sakslista.

§ 10 LEIING AV ÅRSMØTET

Årmøtet vert leia av vald møtedirigent. Dirigenten treng ikkje å vere medlem av laget.

§ 11 RØYSTING PÅ ÅRSMØTET

Med mindre anna er bestemt, skal eit vedtak for å vere gyldig vere gjort med vanleg fleirtal av dei stemmer som er avgitt.

Blanke stemmer skal reknast som ikkje avgitt.

Valet blir gjennomført skriftleg dersom det ligg føre meir enn eitt forslag. Berre dei kandidatar som er foreslått kan førast opp på stemmesetelen. Skal fleire veljast ved same avrøysting, må røystesetelen innehalde det antall forskjellige kandidatar som det skal veljast i vedkomande avstemming. Stemmesetlar som er blanke eller som innheld kandidatar som ikkje er foreslått, eller anna antall kandidatar enn det som skal veljast, tel ikkje, og stemmene skal reknast som ikkje avgitt.

Når eit val blir halde enkeltvis og ein kandidat ikkje oppnår meir enn halvparten av dei stemmer som er avgitt, skal det gjennomførast bunde omval mellom dei to kandidatane som har oppnådd flest stemmer. Er det ved omval stemmelikheit, skal vaIet avgjerast ved loddtrekking.

Når det ved val skal veljast fleire ved avrøysting, må alle, for å rekna for valde, ha meir enn halvparten av dei stemmer som blir avgitt. Dette gjeld ikkje ved val av vararepresentantar. Dersom ikkje tilstrekkeleg mange kandidatar har oppnådd dette i første omgang, skal dei som har fått meir enn halvparten av stemmene, reknast som valde. Det skal så gjennomførast bunde omval mellom dei øvrige kandidatane, og etter denne avrøystinga  blir dei som har fått flest stemmer, rekna som valde. Er det ved omvalet stemmelikheit, skal valet avgjerast ved loddtrekking.

Leiar, nestleiar vararepresentantar i Arbeidsutvalet og utvals—leiarar skal veljast særskilt.

§ 12 ÅRSMØTET SKAL:

1. Handsame årsmeldinga frå laget (hovudstyret)

2. Handsame årsmelding frå gruppene

3. Handsame revidert rekneskap for heile laget, herunder gruppene

4. Handsame innkomne -fordag og saker

5. Fastsette kontingent

6. Vedta budsjett for hovudstyret og gruppene

7. Veije:

• Leiar, nestleiar og 3 medlemmer m/vararepresentantar til styret (Arbeidsutvalet)
• Leiaren vert vald for 1 år om gongen, dei andre iarbeidsutvalet vert valde for 2 år.
• 2 revisorar m/ 2 vararepresentantar
• Representantar til Idrettsrådet i kommunen
• Representantar til ting og dei organisasjonar laget er tilslutta
• Valkommité på 3-5 personar etter årsmøtets vedtak

8. Godkjenne valde gruppestyrer.

9. Bestemme laget sin organisasjon, jf 5 15, herunder gjere vedtak om oppretting av eller nedleggihg av grupper for dei einskilde idrettane.

§ 13 EKSTRAORDINÆRE ÅRSMØTER

Ekstraordinære årsmøter skal haldast når styret eller overordna idrettsstyresmakt bestemmer det, eller når minst 1/3 av medlemmer med stemmerett krev det.

Innkalling skjer på same måte som for dei ordinære årsmøter, med minst 14 dagars varsel.

Ekstraordinært årsmøte kan berre handsame og ta avgjerder i dei saker som er kunngjort i innkallinga.

§ 14 MEDLEMSMØTE

Medlemsmøte vert halde når styret finn det naudsynt, eller når eit fleirtal av lagets medlemmer krev det.

§ 15 STYRET

Lager vert leia av eit styre (hovudstyre) som er høgste styresmakt i laget mellom årsmøta.

Styret er samansett av leiar, nestleiar og 3 styremedemmer (arbeidsutval) som vert valde av årsmøtet, og gruppeleiarane.

Leiar og nesteiar vert valde på årsmøtet. Hovudstyret konstituerer seg sjølv, og vel økonomiansvarleg og sekretær frå arbeidsutvalet.

Styret skal halde møte når leiaren bestemmer det eller eit fleirtal av styremedlemmene krev det.

Styret er vedtaksført når eit fleirtal av styremedlemmene er til stades. Vedtak blir gjort med vanleg fleirtal av dei avgitte stemmene. Ved stemmelikheit tel møteleiaren si stemme dobbelt.

Hovudstyret skal;

1. Iverksette vedtak og bestemmelsar frå årsmøtet og overordna idrettsorgan.

2. Oppnemne etter behov kommitéar/utval/personar for spesielle oppgåver, og utarbeide instruks for desse.

3. Administrere og føre naudsynt kontroll med laget sin økonomi i samsvar med dei instruksar og reglar som gjeld for idretten til ei kvar tid.

4. Representere laget utad.

5. Ha den daglege leiinga av laget, og syte for kontakt med det offentlege gjennom Idrettsrådet.

6. Vurdere økonomiske behov innanfor laget, og fordele midlar til gruppene etter fastsette planar og budsjett. Tilskot frå det offentlege, inntekter og anna enn idrettsleg verksemd og lagskontingenten, skal disponerast av hovudstyret. Hovudstyret skal etter evne søkje å løyse laget sine oppgåver.

7. Føre protokoll. over styre—/arbeidsutvalsmøter.

§ 16 ARBEIDET TIL HOVUDSTYRET

Leiaren har den daglege leiinga av laget. Han skal tilvise alle utbetalingar og leie drøftingane i styret og på laget sine møter dersom ikkje anna er vedtatt.

Han skal sjå til at val og adresseendringar som har interesse forkrets- og forbund vert melde. Leiaren må saman med økonomiansvarleg og revisor sende inn oppgåver over laget sine medlemmer pr 1. januar til overordna instansar.

Nestleiar skal gjere teneste som leiar når denne er fråverande. Sekretæren skal føre møteprotokollar over alle styremøter, medlemsmøter og årsmøte. Sekretæren skal i samråd med leiaren føre all korrespondanse for hovudstyret, og skal syte for at alt som vedkjem hovudstyret vert arkivert.

Økonomiansvarleg plikter å setje seg inn i dei instruksar og reglar som til ei kvar tid gjeld for idretten *), og føre rekneskap og halde medlemsregister i samsvar med dette. Alle ut- og innbetalingar skal gå over konti i bank og /eller postgiro. Økonomiansvarleg har ansvar for føring av medlems—register.

Revisorane skal gjennomgå rekneskapen for heile laget i samsvar med idretten sine reglar for revisjon.

§ 17 GRUPPER/AVDELINGAR

Laget kan organiserast med avdelingar og/eller grupper. Desse kan leiast av oppnemnde tillitspersonar eller av valde styrer.

Årsmøtet bestemmer opprettinga av avdelingar/grupper, og korleis desse skal organiserast og leiast.

For dei enkelte avdelingar/gruppene sine økonomiske skyldnader, hefter heile laget, og avdelingar/gruppe~~ kan ikkje inngå avtalar eller representere laget utad utan godkjenning frå styret.

Dersom årsmøtet i Stranda Idrottslag har gjort vedtak om å skipe grupper, vert kvar gruppe leia av eit styre på minst 3 medlemmer etter gruppeårsmøtets vedtak; leiar, sekretær og ein styremedlem.

Leiaren i gruppa er medlem av hovudstyret, med eit anna medlem av gruppa som personleg vararepresentant. Leiarer i gruppa vert vald for 1 år. Andre styremedlemmer/tillitsvalde skal veljast for 2 år om gongen dersom ikkje anna er vedtatt i organisasjonsplanen for gruppa.

Plan over styre og tillitsvalde i gruppa.

Gruppestyret vert valt av årsmøtet i gruppa og blir godkjent på årsmøtet i laget. Årsmøteperioden for gruppene er lik årsmøteperioden for Hovudstyret.

Gruppeårsmøta skal vere avslutta for årsmøtet i laget. For årsmøta i gruppene gjeld reglane om årsmøtet for laget, så langt det høver.

*) Kvar gruppe har eiga valnemnd for gruppeårsmøta.

Gruppestyret er ansvarleg overfor gruppeårsmøtet og styret i laget for gruppa sin økonomi. Årsmøtet i gruppa kan vedta tilleggskontingent til særformål innanfor gruppa. Desse midlane skal disponerast av gruppestyret.

Gruppestyret skal handsame alle faglege saker som gjeld gruppa si idrettsgrein. Gruppestyret gjer framlegg for hovudstyret om stemne, og skal stå for det tekniske arrangementet  i idrettstekniske saker som berre vedkjem gruppa, handlar gruppa sjølvstendig.

Gruppestyret skal syte for å få fram medlemmene til stemne, og dersom det er naudsynt, fungere som uttakingskommité og sende rapport til lagsstyret.

Gruppestyret skal leggje fram melding på gruppeårsmøtet om arbeidet til gruppa, deltakingog plassering i stemner m.m.

§ 18. LOVENDRING

Endringar i denne lova kan berre gjerast pâ ordinært eller ekstraordinært årsmøte etter å ha vore oppført på sakslista, og det blir kravd 2/3 fleirtal av dei stemmer som blir avgitt.

Lovendringar må godkjennast av Idrettsstyret og er ikkje i kraft før dei er godkjende.

Reglane om oppløysing kan ikkje endrast, jf.  § 19.

§ 19. OPPLØYSING

Oppløysing av lag kan berre handsamast på ordinært årsmøte. Blir oppløysing vedtatt med minst 2/3 fleirtal, skal det kallast inn til ekstraordinært årsmøte 3 månader seinare.  For at oppløysing skal skje, må vedtaket her gjerast på nytt med 2/3 fleirtal.  Samanslutning med andre lag blir ikkje rekna som oppløysing av laget. Vedtak om samanslåing og nødvendige lovendringar i tilknyting til dette, blir å treffe i samsvar med reglane om lovendring , jf  § 18. ovanfor.

I tilfelle oppløysing eller anna opphøyr av laget, tilfell laget  sine eigedelar NIF eller formål godkjent av Idrettskretsstyret.

Ved Oppløysing skal laget sine arkiv sendast til Idrettskretsen.

Innleiing:

Vi i Stranda Fotballen har lagt prestisje i å arrangere gode rammer rundt våre fotballkampar. Dette har vi ”alltid” vert flinke til og noko som vi er særs stolte over å prestere gang på gang. Det å få rykte på seg for å vere ein god og omtenksam vert er den beste reklamen vi kan gi Stranda samfunnet og at barn og unge gledar seg til å komme på besøk til oss er noko som varma.

For å oppretthalde, ja kanskje forbetre, dei gode innarbeide arrangementa våre er det viktig for oss i Stranda Fotballen å få nedskrivne rutinar og tips til alle våre frivillige om korleis ein agerar som ein god vert.

Stranda Fotball er ein breiddeklubb og vi trur såleis at eit fokus på Fair Play i klubben, både på og av bana, er med på å sikre dei gode opplevingane for alle i fotballen. Vi har difor dei siste åra jobba med å synleggjere våre Fair Play standpunkt og vi vil satse enda meir på desse verdiane vidare.

Vi har no fått på plass ein Fair Play ansvarleg i klubben, og eit av hans/hennar hovudmandat er å ta vare på og vidare utvikle dei gode rammene som vi har skapt rundt våre kamparrangement. Vi har vidare fått på plass Fair Play skilt ved inngangen til stadion, og utdeling av grønekort blir gjort på alle ”hovudkampane” og turneringar.

Så har klubben lagt grunnlaget og sett rammene for gode arrangement, no blir det opp til oss alle å ta det eit steg vidare med kampvertar på alle kampane.

Korleis legge til rette for gode kamparrangement:

Den gode kampopplevinga startar ofte før ein til og med reiser til kamp, den startar med at ein tar kontakt med motstandar. Send dei gjerne ein sms to til tre dagar før kamp, og ønsk dei velkommen tilStranda.

Det er i Stranda Fotball klubben si oppgåve å utpeike for kvart lag to kampar som vi lagar litt ekstra stas rund. Stranda Fotball informerar lagleiaren om dette når lista er klar. Denne er normalt sett klar etter SFK har komt med kampoppsettet for alle klassene, cirka i starten av april.

Dette er hovudkampen og i desse praktiserar vi speakerteneste og har open kiosk.

Korleis den er organisert:

• Dommar blir ynskja velkommen til stadion av lagleiar/kampvert.
• Motstandar laget blir ynskja velkommen til stadion av lagleiar/kampvert.
• Ein viser laget til garderobe.
• Lagleiaren for kvart av laga leverar spelarlister til speakerbua. (Namn & nummer)
• Kampen startar med innmarsj til Champions league hymna.
• Det blir presentasjon av lag og dommar.
• Laga foretar Fair Play helsing.
• Under kamp kjem speaker med målscorarar, artige anekdotar og helsingar.
• Kiosken blir bemanna av foreldra til det laget som spelar kamp.
• Men dei fleste kampane blir spelt utan speaker og ekstra omstendigheiter.  Det er også der viktig at laga tar med seg denne praksisen vidare til desse kampane også.
• Stranda Fotball ynskjer at alle lag skal ha kampvert på plass, til alle heimekampar.
• Stranda Fotball ynskjer at det skal praktiserast fair play helsing i alle kampar.
• Stranda Fotball ynskjer at alle lag skal prøve å ha kiosken open til alle kampar.

Rolleskildring for kampvert:

• Ver tidleg ute å sørg for at alt er klart til kamp.
• Ta godt imot dommaren og våre gjester.
• Eit godt handtrykk og ei velkomenhelsing.
• Sørgje for at fair play helsing blir gjennomført.
• Del ut foreldrevettreglane.
• Bidra til ei positiv atmosfære mellom foreldra.
• Takk dommar og gjestar for besøket og ønsk dei vel heim og velkommen tilbake.

Kven er kontakta i Stranda Fotball:

Når det gjeld å vidare utvikle våre kamparrangement er det no i Stranda Fotball utnemnd ein Fair Play ansvarleg. Dette er den personen vi ynskjer at ein kontaktar for innspel, ros og kritikk. Foreldre, trenarar og spelarar er viktige ressursar i utviklinga av arrangementa våre. Opplever ein noko som fungerar bra andre plassar, så tips klubben om det. Oppstår det ubehaglege situasjonar så må desse rapporterast til fair play ansvarleg. Er det oppstått graverande episodar så skal ein gjennom fair play ansvarleg spele dette inn til styret.

Dette har fungert utmerka i sesongen som gjekk og alle lag har vert dyktige på dette feltet. Så er det berre å fortsetje det gode arbeidet med dette i åra som kjem.

Stranda Fotball har alltid vore ein av Sunnmøre sine største klubbar. Ved starten av det nyeårtusenet var Stranda Fotball den aller største klubben og hadde i overkant av 30 lag påmeldt i serien. Og aktiviteten i dag er framleis høg. Meir enn 90% av barn og unge innom Stranda Fotball i dei yngste speleklassene og vel 75% av alle borna i kommunen mellom 7-13 år er aktive i klubben. Dette er truleg i Noregstoppen, og er noko som ein bør etterstreve å oppretthalde, og kanskje auke.

Norges Fotballforbund sin visjon er "Fotballglede, muligheter og utfordringer for alle", og alle fotballklubbar i Noreg skal basere drifta og aktiviteten sin på fotballens verdigrunnlag.

Stranda Fotball er ein breiddeklubb med eit klart mål om å vere med på å skape eit sunt og trygt oppvekstmiljø for flest mogleg i Stranda kommune.

Stranda Fotball har laga ein eigen retningsgivande visjon basert på fotballforbundet sin overordna visjon. All aktivitet i Stranda Fotball skal vere tufta på klubben sitt verdigrunnlag.

Dette dokumentet viser kva som ligg i Norges Fotballforbund sin visjon, skal presentere og tydeleggjere kva som er klubben sin visjon, kva som er overordna mål, og kva verdiar som ligg til grunn for aktiviteten.

Visjonen, dei overordna målsetjingane og verdiane skal vere grunnlaget for all aktivitet, for alle beslutningar, og alle prioriteringar som blir gjort i klubben.

Det er styret i klubben som har utforma dokumentet om visjon og verdiar. Styret kan kome med forslag om redigering, men alle endringar kan kun skje etter vedtak på årsmøtet

Noregs Fotballforbund sin visjon:

Det betyr for alle klubbar i Noreg at:

Fotballen skal vere open og inkluderande

Ingen skal stengast ute, uansett sosial eller kulturell bakgrunn, funksjonsnivå,alder og kjønn.

Alle skal kunne få eit tilbod tilpassa:

• eige ferdigheitsnivå
• eigne ønsker
• eigne behov
• eigne ambisjonar
• Organisasjonane skal pregast av trivsel, glede og fellesskap.
• Aktivitetar skal bygge på verdier som:
• respekt
• toleranse
• likeverd
• solidaritet

Stranda Fotball sin visjon:

• Stranda Fotball sin visjon er tufta på ynskje om å være ein breiddeklubb som skaper trygge og gode rammer i lokalsamfunnet.
• Suksess blir ikkje målt gjennom kampresultat, men gjennom kor mange som deltek.
• Hovudmandatet er å skape gode oppvekstvilkår, der ein brukar fotballen til å bidra tilå skape trygge, gode, kjekke og sunne menneske.

Nesten alle born og unge har delteke på fotballaktivitet i Stranda Fotball, og meir enn 70% av alle borna er aktive i klubben over lengre tid. Dette gjer at Stranda Fotball til ein stor og viktig aktør i lokalsamfunnet, med eit klart ansvar for aktivteten er inkluderande og trygg for alle. Klubben og fotballaktiviten skal vere ein arena for meistring, utvikling og trivsel. Eit breidt og høgt aktivietstnivå er overordna gode kamp- og serieresultat. Ein har likevel tru på, og sett fleire døme på at nettopp slike idrettsmiljø vil kunne fostre idrettsutøvarar på nasjonalt nivå.

Målsetjingar

Stranda Fotball ønskjer:

•  At 75 % av alle barn under 13 år skal spele fotball. Både jenter og gutar.
• At alle barn og unge skal ha vore på ei trening med Stranda Fotball.
• At den som ikkje er aktiv som spelar eller trenar søkjer seg til andre roller i "fotballfamilien".
•  At det er kontinuitet på trenar- og leiarsida.
• At spelarar frå naboklubbane våre ser på oss som den naturlege klubben å gå til, når dei sjølv manglar tilbod i moderklubben sin.
• At Stranda Fotball stille lag i alle SFK sine årsklasser.
• Dersom klubben delvis eller heilt når desse måla så har ein langt på veg lukkast med å skapeeit trygt og godt miljø, for individuell og kollektiv utvikling.

Klubben sitt verdigrunnlag:

Kunnskap:

• Trening og kampaktivitet skal vere basert på kunnskap, ikkje berre på erfaring.
• Barn og unge kan forvente å lære i Stranda Fotball
• Trenarar og leiarar i Stranda Fotball skal søkje kunnskap gjennom kurs og samlingar i regi av Sunnmøre Fotballkrets, Norges Fotballforbund og Norges Idrettsforbund

Lojalitet:

• All treningsverksemd skal vere i tråd med Stranda Fotball sine verdiar, mål og retningslinjer.
• Som medlem skal i Stranda Fotball tek ein aktiv del i å vidareføre arbeidet til klubben, internt og eksternt.
• Som medlem i Stranda Fotball skal ein vere god og lojal kollega som søkjer samarbeid og utvikling i lag med klubben sine organar og treningsgrupper.

Ansvar:

• Alle har eit ansvar for å representere klubben på ein god måte og i tråd med NFF, SFK og Stranda Fotball sine verdiar, mål og retningslinjer.
•  Alle har ansvar for å delta på dugnadar og arbeidsoppgåver som Stranda Fotball prioriterer for dei ulike treningsgruppene.
• Alle har eit ansvar for å gjere klubben til ein stad for trivsel og utvikling. Open kommunikasjon er viktig. Ein snakkar med folk, ikkje om folk.

Respekt:

• Alle må respektere Stranda Fotball sine verdiar, mål og retningslinjer.
• Alle må vise respekt for slutningar som er tekne i klubben sine organar.
• Alle må arbeide for at spelargruppa handlar i tråd med Fair Play-reglar.
• Alle må behandle andre som er involvert i fotballen med respekt.